Nərgiz Məmmədzadə

Madridista
Hər kəsə salamlar! Mən Məmmədzadə Nərgiz Ayaz qızı, 1997-ci ilin may ayında Bakı şəhərində anadan olmuşam. 2015-ci ildə Bakı Slavyan Universiteti nəzdində Məktəb-Lisey kompleksini “Fəxri Məzun” olaraq, 2019-cu ildə isə Azərbaycan Dövlət İqtisad Universitetinin Biznes və Menecment fakültəsini bitirmişəm. Hər nə qədər hal-hazırda ixtisasım üzrə işləsəm də yazmağa hər zaman böyük sevgi duymuşam. Məktəb illərindən etibarən hər zaman müxtəlif hekayələr, məqalələr yazırdım. Ən böyük arzularımdan deyərdim ki ilki öz kitabımı nəşr etdirməkdir. Çünki mənə görə yazaraq özümüzü ifadə edir, özümüzdən sonra belə illərlə qalacaq xatirələr yaradırıq. Bundan əlavə 8 il Azərbaycan Dövlət Uşaq Filarmoniyasında rəqs dərsləri almışam. Bir müddət pianoda ifa etməyi öyrənirdim, gələcəkdə isə skripkada ifa etməyi öyrənmə arzusundayam. Həmçinin müxtəlif dilləri öyrənməyə maraqlı biri olduğumdan ingilis dilindən sonra alman və italyan dillərinə maraq saldım. Gələcəkdə bu siyahını fransız dili ilə tamamlamaq var. Özəl günlərdə və ya istənilən bir gündə sadəcə bir kitab ilə üzümü güldürüb məni sevindirmək olduqca asandır. Çünki gələcəkdə öz kitabxanasına sahib olan və bunu nəsllərlə ötürən biri olmaq istəyirəm. Həmçinin bir gün arzuladığım o dünya səyahətim zamanı Madriddə dayanarkən Santiago Bernabeu-da REAL MADRİD-in oyununa baxmaq istəyən 12 illik Madridistayam. Zövq alaraq yazdığım müxtəlif mövzulu məqalələrimlə burada tanış ola bilərsiniz. Xoş oxumalar! Yazdığım  bloqlar

Sizin səyahət haqqında məqalələrinizi/bloqlarınızı veb saytımızda görməyə şad olardıq! Sizə də bizimlə əməkdaşlıq maraqlıdırsa, bizimlə info@pickvisa.com elektron ünvanı ilə əlaqə saxlayın.